Ilir Meta në emisionin “Top Story” të Sokol Ballës ka treguar arsyet e shkarkimit të ministrit të tij, Ylli Manajni. Meta deklaroi disa kritika Manjani i kishte të drejta, si ajo për kanabisin.
“Kam bindjen time se duhet të jetë raport bashkëpunues. Jam për qeveri kolegjiale, që ministrat t’i shprehin mendimet, jam për funksionim në ekip, i inkurajoj për bashkëpunim. Në rastin konkret ka pasur një marrëdhënie të vështirë mes Manjanit dhe Ramës dhe kjo u duk se nuk ndihmonte funksionimin në të mirë të publikut. Disa çështje që ai ka ngritur në publik si për kanabisin, jo se nuk qëndrojnë, por kur kërkon ngritjen e ushtrisë, duhet më parë ta ngrejë çështjen në tryezë politike të koalicionit. Mund të ketë pas shqetësime të drejta, por rruga institucionale është më e mira”, tha Meta.
Po kështu duke tek kritikat e bëra edhe nga ministri Lefter Koka dhe Vangjel Tavo Meta tha se nuk ka problem as me Tahirin e as me ndonjë tjetër. “Nuk duhet të nisemi nëse tha diçka Tavo. Deklarata mund të ishte më e përmbajtur, por ka segmente brenda policisë që e tolerojnë apo kanë patur bashkëpunim me këto segmente, por nuk mund të thuhet policia merret me këto punë, se do të ishte një gabim. Kjo është një luftë e vazhdueshme. Ata që janë në qeveri, këto shqetësime t’i ngrejnë më fort në qeveri”, tha ai. (J.V/Shuplaka)
