Kryetari i Kuvendit të Shqipërisë, Ilir Meta, nuk ka qenë i pranishëm në votimin e ministrave të rinj të qeverisë dhe shkarkimin e katër të tjerëve. I gjithë votimi u drejtua nga nënkryetarja e Kuvendit, Valentina Leskaj, për shkak se vetë Kryetari i Kuvendit, Ilir Meta ishte nisur për një vizitë zyrtare, pjesë e axhendës së tij.
I kontaktuar nga ”Shuplaka”, pak më pas votimit dhe pas lajmeve që qarkulluan në media, kreu i Kuvendit Ilir Meta konfirmoi që ndodhej në Aeroportin e Londrës, për një vizitë 2-ditore të parashikuar në axhendë. Kjo ka qenë arsyeja pse Meta mungoi në votimin e ministrave në Kuvend.
Veç mungesës së kryeparlamentarit, ajo që ra në sy ishte mungesa e PDIU-së. Shpëtim Idrizi dhe Aqif Rakipi nga PDIU-ja, të cilët mbërritën në Kuvend vetëm pasi kishte mbaruar edhe shkarkimi i Tahirit dhe emërimi i Xhafajt.
Mungesa e PDIU-së në Kuvend u lajmërua edhe mëngjesin e sotëm për shkak se nuk ishin të kënaqur me mosmarrëveshjen me kryeministrin Rama.
Në Kuvend kanë qenë të pranishëm gjithsej 76 deputetë. Pas debateve të gjata dhe përplasjes me Ramës dhe Blushit kanë kaluar në Kuvend dhe emërimet e ministrave.
Në seancën e sotme plenare u miratua shkarkimi i katër ministrave Saimir Tahiri, Ilir Beqaj, Blendi Klosi, dhe Bledi Çuçi, si edhe emërimi i ministrave të rinj Fatmir Xhafaj, Ogerta Manastirlliu, Olta Xhaçka dhe Eduart Shalsi.
(XH.A/SHUPLAKA)
