Kryetari i LSI-së Meta duket se do ta mbajë për disa kohë pezull një përgjigje të qartë në lidhje me koalicionin e zgjedhjeve në vitin e ardhshëm. Edhe pse kryeministri Rama ka bërë një ftesë të hapur për Partinë e tij në Asamblenë e Partisë Socialiste, Meta ende nuk e ka një përgjigjë zyrtare.
Edhe sot në këtë ditë krishlindjesh ai u mundua të mos jepte një përgjigje të saktë në lidhje me pyetjen e bërë nga gazetarët.
Në dalje nga mesha që u mbajt në Tiranë nga besimatërt e krishterë Meta nuk nguroi të jepte një mesazh paqeje dhe harmonie për gjithë shqiptarët.
“Uroj gjithë besimtarët të krishterë më shumë paqe harmoni dhe mirëkuptim me njëri-tjetrin. Më shumë vëmendje për ata që janë në gjendje më të vështirë në mënyrë që shoqëria jonë të gëzojë një harmoni dhe peqe shpirtërore. Është një ditë reflektimi edhe në këtë drejtim sidomos për ata që janë më shumë në vështirësi për të qenë më të integruar në shoqërinë tonë”, u shpreh Meta.
Pyetje: Z. Rama ju bëri një ftesë publike për koalicion ka LSI një qëndrim për këtë?
Meta: Unë mendoj se sot është dita e shpresës për të gjithë, i uroj të gjithëve mbarësi dhe solidaritet. (E.K/SHUPLAKA)
Discussion about this post