Meta: Vendimi i Francës i mirëpritur, por i paplotë. Ramush Haradinaj të çlirohet nga të gjitha akuzat e Serbisë

Kryetari i Kuvendit të Shqipërisë Ilir Meta reagon vendimit të Gjykatës franceze për lirimin me kusht të kryetarit të AAK-së Ramush Haradinaj.

Ilir Meta mirëpriti vendimin e sotëm të Gjykatës së Kolmerit në Francë ndaj ndalimit të padrejtë të kryetarit të Aleancës për Ardhmërinë e Kosovës dhe ish Kryeministrit të Kosovës Ramush Haradinaj.

Në vijim, ai gjykon se ky vendim është ende jo i plotë dhe beson se drejtësia franceze do të japë verdiktin e saj përfundimtar duke e cliruar Kryetarin e AAK-së nga të gjitha akuzat e vjetra që vijnë nga Serbia.

“Ramush Haradinaj”, nënvizon Meta, “duhet të kthehet sa më parë pranë familjes së tij në Kosovë e njerëzve të tij të dashur. AAK dhe simpatizantët e saj, të gjitha dashamirësit, mbështetësit dhe qytetarët e Kosovës, të cilët ngritën zërin kundër kësaj padrejtësie dhe e mbështetën pa kushte janë në pritje të kthimit të tij në vendin, tek e ardhmja e të cilit ai beson aq shumë.”

(XH.A/SHUPLAKA)