Kryetari i Kuvendit , Meta ka zbuluar axhendën e homologut kosovar Veseli në daljen për mediat pas takimit kokë më kokë.
I pyetur nëse Veseli do të kishte një takim me Lulzim Bashën, Meta ka ndërhyrë duke thënë se Basha është protestuesi kryesor dhe normalisht që ai do të takohet edhe me të. “Do takohet edhe me Z.Basha dhe Z.Paloka, do takohen” tha Meta.
Meta tha ndër të tjera se Shqipëria është në mbështetje të demarkacionit të shumëdiskutuar të Kosovës me Malin e Zi për të hapur më tej rrugën e integrimit të Kosovës.
Meta ka folur edhe për marrëdhëniet e Shqipërisë me Serbinë. “Shqipëria ka synuar gjithmonë marrëdhënie të mira edhe me Serbinë dhe bashkëpunimi i deritanishëm ka qenë konstruktiv” tha Meta në daljen për mediat.
Nga ana tjetër kreu i Kuvendit të Kosovës , Veseli tha se Prishtina zyrtare i është falemnderuese Tiranës për përpjekjet e saj për Kosovën që ajo të integrohet në Bashkimin Europian. (M.D/Shuplaka)
Discussion about this post