Ilir Meta tregon tre pikat që ra dakord me kreun e PS-së, lidhur me situatën e nderë dhe nevojës për dialog mes Bashës dhe Ramës.
Lëvizja e radhës do të jetë kërkesa për përfshirjen në dialog të Partisë Popullore, ku PD-ja është pjesëtare.
Meta nuk tha ndonjë fjalë lidhur me të ardhmen e koalicionit PS-LSI, por theksoi se është gati të takohet me Bashën, megjithse dyshon se ai është në një klimë mosbesimi.
I pyetur për koalicionin, Meta tha se kjo nuk është çështja më e rëndësishme, dhe se tani duhet të punojnë për dialogun me opozitën.
”Kjo nuk është çështja më e rëndësishme dhe të punojmë të gjithë për këtë dialog, a ka mundësi të punojmë që tani.
Ne do të vazhdojmë proceset kushtetuese se jemi të detyruar por nuk do të paraqesim kandidaturë, mendojmë që presidenti duhet të jetë një figurë sa më konsensuale.”, theksoi Meta.
Meta nuk dëshiroi të komentonte variantin e qeverisë teknike, duke thënë se nuk dëshironte të hynte në çështje të tilla.
”Me z.Basha në çdo moment që do dëshironte takim unë jam i hapur por kam përshtypjen që z.Basha është në një situatë mosbesimi ndaj edhe besoj, unë në çdo moment jam gati, ndaj mendoj që një angazhim zyrtar i PPE, do të ishte rruga më e mirë për të filluar sa më shpejt dialogun dhe zhbllokuar situatën.”, përfundoi Meta.
FJALA E PLOTË E METËS:
Dëshiroj të theksoj se qëllimi kryesor i këtij takimi ishte rritja e përpjekjeve tona për të garantuar paprekshmërinë e votës së qytetarëve shqiptarë si themel i bashkëjetesës, që ka qenë angazhim i kohës kur kemi qenë në opozitë dhe marrëveshjes së 22 prill PS-LSI dhe me këtë rast vullneti për të nisur një dialog pa kushte që tani me opozitën dhe drejtuesin e saj legjitim.
Së dyti kemi vendosur të vazhdojmë procesin kushtetues për presidentin e ri pa mbështetur asnjë kandidaturë, pa dialog dhe arritur konsensus me opoziztën edhe për presidentin, edhe pse kjo maxhorancë ka 90 vota në parlament.
Së treti duke e kuptuar vështirësinë e opozitës për të patur besim, sepse çështja e mosbesimit është evidente dhe kjo është arsyeja pse dialogu ende nuk ka nisur, kemi vendosur ti drejtohemi zyrtarisht Partisë Popullore Europiane, ku PD është anëtare që të asistojë sa më shpejt të jetë e mundur në këtë dialog në mënyrë që ky ngërç të marrë fund sa më shpejt dhe vendi të shkojë drejt zgjdhjeve të lira, të qeta, demokratike dhe të ndershme dhe po kështu procesi i integrimit europian dhe reforma të vazhdojë të jetë i suksesshëm dhe dua të theksoj rolin e rëndësishëm që PPE ka luajtur gjatë kësaj periudhe në mbështetje të integrimit të Shqipërisë.
Që sot do t’i drejtohemi presidentit të PPE, dhe do të njoftojmë komisionerin z.Hahn, që ka qenë në komunikim të vazhdueshëm, për interes për zhbllokimin e kësaj sistuate, në mënyrë që procesi i dialogut të nisë sa më shpejt de të kemi një klimë krejtësisht tjetër nga kjo e sotmja dhe dua t’u kujtoj të gjithëve sa i rëndësishëm është bashkëpunimi dhe toleranca dhe toleranca është vendimtare.
Me z.Basha në çdo moment që do dëshironte takim unë jam i hapur por kam përshtypjen që z.Basha është në një situatë mosbesimi ndaj edhe besoj, unë në çdo moment jam gati, ndaj mendoj që një angazhim zyrtar i PPE, do të ishte rruga më e mirë për të filluar sa më shpejt dialogun dhe zhbllokuar situatën.” (V.G/SHUPLAKA)
Discussion about this post