Metoda më e thjeshtë për të pastruar sipërfaqen e djegur të hekurit për të ruajtur rrobat e tjera

Shkrirja apo djegia e fijeve të holla të veshjeve nuk e dëmton sipërfaqen e hekurit, por mund të dëmtojë veshjet e tjera teksa i hekurosni. Kjo gjë mund të çojë në krijimin e një shtrese të djegur në sipërfaqen e hekurit, ndaj për të parandaluar këtë gjë njësoj siç pastroni orenditë e tjera shtëpiake, duhet të pastroni dhe hekurin. 
Gjithmonë hekurosni pëlhurat delikate si najloni dhe mëndafshi në temperaturë të ulët, ndërsa pambukun apo pëlhurat e leshta mund të durojnë temperaturat e larta. 
Për të eleminuar shtresën e djegur, por pa dëmtuar sipërfaqen e hekurit provoni sodën e bukës që ka një efekt gërryes. Lagni një copë dhe në të hidhni një lugë çaji sodë buke. Pasi të jetë përthithua pak nga copa e njomë , filloni të pastroni sipërfaqen e hekurit.  Mund të shtypni butonin e avullit për të larguar çdo grimcë të mbetur e më pas fshijeni me një peshqir të thatë.