Gentian Mezani është shpreur tejet i revoltuar në humbjen që pësoi në Kukës. Trajneri i Flamurtarit ka hedhur akuza drejt gjyqtarit Olsi Sokoli, i cili sipas tij ka qenë jo korrekt në pjesën e parë.
“Mendoj që Kukësi ashtu siç çdo skuadër duhet ta meritojë fitoren. Pjesa e parë është keqarbitruar. Te këmbët e mia topi ka dalë jashtë vijës dhe anësori vazhdon lojën duke më shpërfillur. Nuk mund të flas për golin se ishte një gabim i mbrojtjes. Vazhdoj të jem i bindur që ishte faull te Bushiç, por nuk ishte ai që solli fitoren e Kukësit. Nuk ka nevojë të jetë 14 kundër 11 në fushë. Sot ne ishim 14 kundër 11”.
Gjendja e ekipit
“Kam ardhur me një ekip me 50% të mundësive të tyre, kam tre lojtarë që kanë luajtur me temperaturë. Nuk mund të tallen në këtë mënyrë, organet kopetente duhet të merrem me një gjyqtar të tillë. Mund të humbim dhe me një rezultat të thellë në një ndeshje normale por jo si kjo e sotmja me një arbitrim të tillë. Ndihem i fyer nga arbitrimi i pjesës së parë”.
Pësimi i golit
“Ka qenë një gabim i Markut, duke vajtur në presion te Berisha, ku nuk ishte e nevojshme. Unë mendoj që kemi gabuar, në momentin e shënimit të golit kemi gabuar ne në mbrojtje. Në pjesën e dytë arbitri ishte korrekt, por unë e theksova që vetëm në pjesën e parë që nuk mu duk korrekt. Nuk ishte e nevojshme të na çonte në fall. Kjo është ndeshja që ka pasur më shumë faulle të dhëna ndaj Flamurtarit.
Discussion about this post