E ftuar para pak ditësh në emisionin e Dasara Karaiskajt “DA Sara”, Roza Lati sulmoi ashpër modelen Aurela Hoxha, duke e quajtur atë joreale për shkak të operacioneve plastike.
Modelja nuk reagoi publikisht pas sulmit të moderatores, mirëpo gjatë ditës së sotme, ajo i është përgjigjur një komentueseje në rrjetin e saj instagram e cila i shkruante: Do bëhet xheloze një që nuk shkon me pushime.
Komenti është bërë në një foto që Aurela e ka publikuar pasditen e sotme, nga pushimet që ka kaluar në Tajlandë. Pas këtij komenti, Aurela ka reaguar menjëherë nëpërmjet faqes zyrtare të dyqanit të saj “Aminas Boutique” me fjalët: “Sigurisht, disa me zor të madh ndajnë qiranë me të dashurin, kjo shkon me pushime! Madje edhe parakolpin e bëjnë me klering”.
Aurela shkruan kështu me ironi, duke na lënë të kuptojmë se e ka pikërisht me Roza Latin, e cila kishte reaguar keq për pamjen e saj jonatyrale. Nuk dihet pse, por kushdo që e ka bërë komentin, ose Aurela apo ndonjë punonjëse e saj, komenti është fshirë nga rrjeten sociale. Diçka e ka shtyrë modelen të ndërrojë mendje.
Kujtojmë se pak ditë më parë, në një moment të emisionit Dasara përmendi Aurelën duke thënë se ajo i kishte refuzuar ftesën për të qënë në emisionin e saj pasi sipas saj ajo nuk kishte një figurë të përshtatshme për targetin e emisionit.
“Aurela do ketë patur frikë të vijë sepse nuk është reale. Reale nga personaliteti, se nga pamja e dimë që nuk është”, iu përgjigj e ftuara Roza Lati. (D.D/ Shuplaka)
[ngg_images source=”galleries” container_ids=”1639″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
