Kampioni portugez i Juventusit bleu dy katet e fundit (të 13-të dhe të 14-të) të një ndërtese luksoze në Rua Castilho, një nga zonat më ekskluzive (dhe të shtrenjta) të Lisbonës, afër parkut “Eduardo VII”.
Për nevojat më “njerëzore” të jetës së përditshme, Cristiano Ronaldo do të ketë në dispozicion 288 metra katrorë banesë, 3 suita, një palestër, një dhomë të madhe ngrënieje (sallon), dhoma gjumi për veten dhe fëmijët, një banjë për të rifituar energjitë me sauna dhe xhakuzi. Po ashtu, nuk do të mungojë dhoma-kinema dhe pishina.
Pra, CR7 kurrë nuk pushon së mahnituri. Kësaj here jo vetëm me golin e mrekullueshëm ndaj Sampdorias, por me “çmendurinë” e fundit jashtë fushës së blertë. Ai ka blerë shtëpinë më të shtrenjtë për shitje në Portugali. U deshën plot 7 milionë euro për t’i bërë të vetët dy katet e ndërtesës luksoze, në në lagjen ku u rrit ish-lojtari i Sporting Lisbona.
Discussion about this post