Nënkryetari i LRI-së Klevi Pojana i është kundërpërgjigjur ish-ministrit të brendshëm Saimir tahirit, lidhur me deklaratën e tij se “miku i keq të prish shtëpinë”
“Saimir, mos e tradhëto emrin: mos u bëj Sa-i-keq! Nuk përgojohet miku, se shtëpia e shqiptarit është e zotit dhe e mikut!”, shkuan Pojana.
Pasditen e sotme, ish-ministri i Punëve të Brendshme Saimir Tahiri, ka hedhur kunja ndaj LSI-së përmes një statusi në rrjetet sociale.
Tahiri, i cili është gjithashtu edhe kreu i Partisë Socialiste për Tiranën, ka publikuar një foto ku shihet me një burrë në moshë, teksa pi një gotë raki. Ish-ministri kujton një fjalë të urtë popullore mbi miqësinë.
“E tha tamam Isai, miku i keq të prish shtëpinë. Prandaj duhet të qeverisim vetëm me njerëzit #pershqiperineqeduam”, shkruan Tahiri. Kjo deklaratë vjen pas një sërë deklaratash të mëparshme të kryeministrit Edi Rama, i cili kërkon “timonin e qeverisjes” vetëm dhe pa LSI-në. (D.D/Shuplaka)
Discussion about this post