Milaim Zeka bën deklaratën “bombë”: Në zyrat e Lëvizjes Vetëvendosje janë bërë abuzime seksuale, i përfshirë dhe një deputet

Deputeti kosovar i NISMA Socialdemokrate Milaim Zeka ka folur për përplasjet që ai ka pasur sot në Kuvendin e Kosovës me deputetin e Vetëvendosjes Glauk Konjufca.

I ftuar në RTV Dukagjini Zeka ka lëshuar akuza të rënda në drejtim të Vetëvendosjes, dukë thënë se ka video incizime që në zyrat e këtij subjekti janë bërë “dyshe” e “treshe”.

“Mua nuk me fyen një njeri, ku njerëzit kanë treguar se ka dëshmi me video incizime me aty “dyshet” apo “treshet” e famshme në zyrat e Lëvizjes Vetëvendosje që kanë bërë abuzime seksuale”, – është shprehur Zeka.

Deputeti i NISMA Socialdemokrate ka shkuar edhe më tej duke thënë se edhe Konjufca është i përfshirë në këto sekuenca.

“Po…nuk është akuzë aspak e rëndë”, – shtoi ai.

Më tej Zeka shtoi: “Nëse Konjufca le ta dëshmon se cilin person unë e kam mashtruar, se ai tha që unë kam mashtruar mbi 907 persona, edhe unë dëshmoj aferën e tij”.