Pas blerjes së Musacchio dhe Kessie, Milan kanë afruar futbollistin zvicerian Ricardo Rodriguez, i cili pritet që të mbërrijë sot në Milano dhe të kryejë vizitat mjekësore.
Mbojtësi i krahut të majtë Rodriguez ishte pjesë e Volsburgut në Bundesligën Gjermane. Milan do të paguajë 15 milionë euro për shërbimet e tij, 3 milionë të tjerë do i paguaj në varësi të ecurisë së futbollistit.
Kuqezinjtë duken shumë pranë nënshkrimit me kapitenin e Lazios, Lucas Biglia, të cilit i kanë ofruar një kontratë tre vjeçare me 3 milionë euro në sezon.
Mesfushori argjentinas, së fundi ka refuzuar edhe rinovimin e kontratës me bardhekaltrit, duke pranuar se është në kërkim të një tjetër aventure.
Milan po tenton të marrë dhe Belotin nga Torino, por ky operacion duket i vështirë për shkak të çmimit të lartë të lojtarit.
Ekipi i Milanit po konsolidohet për vitin tjetër që të jetë konkurrues pasi do jetë pjesëmarrës edhe në Europa League.(B.H/Shuplaka)
Discussion about this post