Skuadra e Milanit ka mundur Lazion këtë pasdite me rezultatin 2-0. Ndeshja e luajtur në San Siro pati dominues kuqezinjtë, megjithatë të dy golat u shënuan në pjesën e dytë.
Goli i parë u shënua nga amerikani Pulisic pas një asisti të Leaos. Në fundin e lojës ishte dhe momenti i Okafor për të shënuar golin e tij të parë me fanellën kuqezi pas një asisti sërish nga Leao.
Kjo është fitorja e tretë rradhazi e skuadrës së Piolit në kampionat, që pas humbjes poshtëruese nga Interi në derbi.
Milan merr kështu kryesimin e Serie A me 3 pikë më shumë se Interi, megjithatë zikaltrit do të zbresin në fushë në mbrëmje përballë Salernitanës.
