Milani mposht SPAL, goli i vetëm me portë të boshatisur e rikthen tek fitorja (Video)

Milani ka kontrolluar ndeshjen që në minutën e parë teksa shumica e sfidës është luajtur në gjysmëfushën e miqve.

Castillejos duhet të kishte kaluar të tijtë në avantazh në mesin e pjesës së parë, por ai ka gabuar në mënyrë të pabesueshme me portën e boshatisur duke goditur shtyllën.

Goli i avantazhit për vendasit ka ardhur në minutën e 63’ të takimit. Ishte Suso, i futur në fushë vetëm pesë minuta më përpara, ka shënuar nga goditja e dënimit. Mesfushori spanjoll ka lëshuar një top shumë të bukur drejt portës me të majtën e tij duke bërë që San Siro më në fund të shpërthejë nga gëzimi.

Në minutat e mbetura Milani ka kontrolluar sfidën pa probleme, duke mos lejuar kundërshtarët të krijojë mundësi shënimi, madje mund të kishte shënuar më shumë gola por Paqueta me shokë kanë gabuar shumë.