Ministrja e Inovacionit dhe Administratës Publike, Milena Harito e ftuar në emisionin “Debati në Channel One” ka folur për çështjen e zgjedhjes së presidentit të ri. Harito ka deklaruar se do të parapëlqente që në krye të shtetit të ishte një femër.
“Është një kandidate e shkëlqyer. Do ta thotë ajo nëse është apo jo kandidate”, u shpreh ajo në lidhje për përzgjedhjen e mundshme të Kodhelit si presidente . E pyetur nëse Presidenti i ri duhet të propozohet nga PS apo edhe LSI duhet të ketë të drejtë, Harito refuzoi të komentonte. “Për këtë nuk mund të shprehem është çështje e tryezës së koalicionit”, tha ajo.
Po kështu Harito e cilësoi kreun e LSI-së si politikan me kontribute të mëdha.
“Është një njeri me kontribute politike në jetën e Shqipërisë… Është një figurë politike shumë e rëndësishme e Shqipërisë, kështu që si shumë figura të rëndësishme politike të Shqipërisë, mund të jetë kandidat”, komentoi ajo. E pyetur nëse edhe ajo do të ndjekë “gjurmët” e Kodhelit e cila ka deklaruar se nuk do të donte që në qeverinë e pas zgjedhjeve të 18 qershorit nuk do të donte që të ishte më ministre e Mbrojtjes, Harito tha se është e fokusuar vetëm te fitimi i zgjedhjeve. (J.V/Shuplaka)
