Mlladan Milinkoviç është shprehur shumë i lumtur për fitoren e marrë në shtëpi ndaj Teutës. Trajneri serb i gjirokastritëve përgëzoi lojtarët për ndeshjen e zhvilluar.
“Sot lojtarët tanë dhanë më shumë se 100% pasi patëm shumë probleme të ndërtonim 11-ën më të mirë pa Liçaj dhe Rrapaj. Por lojtarët që i zëvendësuan luajtën shumë mirë, jam shumë i kënaqur që lojtarët luajtën shumë mirë sot dhe i merituam 3 pikët. Në pjesën e dytë krijuam disa raste të mira. Gjithsesi jemi të kënaqur me këtë rezultat. Në futboll disa herë të duhet të kesh dhe fat, ne edhe patëm sot. Portieri bëri një gabim por mbrojtjen e kemi pasur shumë mirë. Pas golit të shënuar Teuta filloi të luajë më mirë por nuk krijoi raste të rrezikshme.Të jem i sinqertë nuk e prisja që mund të regjistronim 21 pikë në 16 javë kampionat. Tani që e mendoj dhe shoh ndeshjet që bëjmë mendoj se meritojmë më shumë. Ka akoma shumë ndeshje që duhet të luajmë për të siguruar qëndrimin në Superligë”.
