Një tjetër futbollist me emër duket se po joshet nga milionat që ka nisur të shpenzojë futbolli kinez.
E Ardhmja e Wesley Sneijder mund të jetë larg skuadrës së Galatasaray, pasi mesfushori është në tratativa me dy skuadra kineze të cilat e kërkojnë që këtë muaj.
Ai që konfirmoi interesimin ndaj protagonistit të kombëtares portokalli, ishte agjenti Guido Albers, i cili e la të hapur mundësinë e ndryshimit të fanelës për lojtarin në merkaton e dimrit.
“Janë dy klube që e kërkojnë me ngulm, por Sneijder ka një kontratë të vlefshme me Gallatasarajin dhe për më tepër nuk i kanë bërë një propozim konkret lojtarit. Dy skuadrat në fjalë kanë informuar klubin turk, por ende nuk ka detaje”, tha agjenti i Sneijder
“Çdo skuadër mund të blejë Wesley Sneijder për 7.5 milionë euro dhe këtë shifër e thotë kontrata e tij. Ai është i lumtur me Galatasarayin dhe i pëlqen jeta në Stamboll dhe për këtë nuk ka asnjë nxitim për tu larguar “, shtoi Albers. (A.R/SHUPLAKA)
