Samiti i Diasporës që pritet që të mbahet nga sot deri në 2 Mars do ti kushtojë buxhetit të shtetit 66.972.800 milionë lekë të reja, një shifër kjo që është konsideruar mjaft e lartë nga ekspertë të eventeve.
Në axhendën e këtij Samiti parashikohen udhëtime drejt Lezhës, si dhe dreka e darka për rreth 800 personat që janë të ftuar.
I ftuar në studion e lajmeve të Fax News Petrit Kuçana, drejtor i përgjithshem i gazetës “The Albanian”, u shpreh se kjo është një shifër mjaft e lartë dhe rezultatet e samitit të parë nuk janë ndjerë.
“12 milionë lekë vetëm regjia, nuk mund ta kuptojmë këtë. Pse duhet që të japim nga 1 milionë lekë për fituesit e këtij Saimiti, kur këto para mund tiu jepeshin studentëve shqiptarë.
Nëse do të organizohej edhe në Londër do të kishte një kosto më të vogël, është një shifër e papajtueshme duke pasur parasysh kushtet ekonomike të Shqipërisë.
Unë kam qenë i ftuar në samitin e parë , dhe pata një fije shprese që diçka mund të ndryshonte, dhe i vetmi ndryshim është ministri pa portofol Pandeli Majko. Nuk është bërë asgjë konkrete për diasporën, pavarësisht se kanë paraqitur ndonjë platformë.
Nuk kemi një listë sesa PHD shqiptarë ka në këtë botë, vetëm në Britani ka 2000 kompani shqiptaro-britanike, të cilat nuk kanë pasur asnjë mundësi që të hapin aktivitetet e tyre në Tiranë”, u shpreh Kuçana. (LEXO EDHE)
(E.K/FAXWEB.AL)
