Ish-ministrja e Mbrojtjes aktualisht kryetare e Komisionit të Jashtëm në Kuvend, Mimi Kodheli, duket se ka gjetur çelësin për të mbajtur të rinjtë në Shqipëri, duke i frikësuar me atë se çfarë mund ti presë jashtë vendit.
Sipas Kodhelit të gjithë ata që shkojnë jashtë vendit përfundojnë në robot, dhe jepen vetëm pas punës, ndërsa për ish-ministren Shqipëria mbetet vendi më i bukur në botë për të jetuar.
“Shqipëria është vendi më i bukur ku mund të rrinë e të jetojnë të rinjtë. Jashtë je një robot, punë, shtëpi dhe gjumë. Nuk ka kafe, miq dhe shokë, ka vetëm punë.
Cilësia e jetesës është më e mirë apo shërbimet publike, por nuk gjeni një vend që ka një orë larg liqenin, një orë larg detin apo malin, një hap kafen apo shokun tuaj, nuk ka vend më të dashur se Shqipëria.
Ne kemi një mënyrë të jetuari që shumëçka nga bota perëndimore na rri ngushtë dhe ndryshe. Mendoj që ky është një vend që ja vlen mundi”, ka deklaruar Kodheli me seriozitet.
Kujtojmë se në vitet e fundit Shqipëria është prekur nga një valë e emigrimit masiv të të rinjve, të cilat e shohin të pashpresë situatën në Shqipëri, ku edhe pse mund të kenë mbaruar një universitet, mundësia e të gjeturit punë në profesion është e paktë.
(E.K/Faxweb.al)
Discussion about this post