Mini Shengeni Ballkanik/ Zbulohet axhenda e takimve dy ditore e liderëve të Ballkanit Perëndimor në Shqipëri

Takim i liderëve të shteteve të Ballkanit Perëndimor për thellimin e bashkëpunimit për përshpejtimin e “Katër lirive të BE-së”

Kan dalë detaje nga takimi që pritet të zhvillohet mes liderëve të Ballkanit Perëndimor në shqipëri I cili është edhe takimi i tretë rajonal që do zhvillohet në datat 20-21 dhjetor 2019.

Ky takim është në vijim të dy takimeve të mëparshme të këtij niveli, të zhvilluara në Novi Sad, Serbi dhe në Ohër, Maqedoni e Veriut, ku morën pjesë liderë dhe përfaqësues të lartë shtetërorë, të vendeve të Ballkanit Perëndimor, si dhe përfaqësues të lartë të institucioneve europiane.

Ditën e premte, datë 20 dhjetor, ora 17.00, Kryeministri Edi Rama do të mikpresë liderët e ftuar në një takim jozyrtar në Hotel “Rogner”, Tiranë.

Më pas, në orën 19.00, Kryeministri Edi Rama së bashku me delegacionet pjesëmarrëse do të jenë të pranishëm në Parkun Olimpik, në eventin e veçantë të bamirësisë “Ti nuk do të jesh kurrë vetëm”, dedikuar procesit të rindërtimit, pas tërmetit të 26 nëntorit.

Ditën e shtunë, datë 21dhjetor, ora 08.45, të ftuarit do të vizitojnë disa nga zonat e prekura nga tërmeti, në Durrës.

Më pas, në orën 10.00, në hotel “Rogner” do të zhvillohet “Sesioni i liderëve”.

Në orën 12.00 do të vijohet me Seancën Plenare me pjesëmarrjen e delegacioneve.

Në orën 13.15, të ditës së shtunë, aktivitetet do të përmbyllen me konferencën e përbashkët për shtyp, e cila do të zhvillohet në të njëjtin vend, në hotel Rogner, Tiranë.

(F.GJ/FAXWEB.AL)