Kryeministria i ka bërë një ftesë zyrtare Kosovës që të marrë pjesë në minishengenin që do të organizohet në fundjavë. Përmes një njoftimi për mediat, Kryeministria bëri të ditur se ftesa i është dërguar Presidentit të Kosovës, Hashim Thaçi, duke qenë se qeveria e re në Kosovë nuk është krijuar ende.
Sipas Kryeministrisë, Kosova është ftuar në nivelin më të lartë njësoj si në takimin e Ohrit. Kujtojmë që të premten në Tiranë do të mbërrijë edhe presidenti serb, Aleksandar Vuçiç për të marrë pjesë bashkë më kryeministrin e Maqedonisë, Zoran Zave në minishengen.
Ky reagim i Kryeministrisë erdhi pas një deklarate të kryeministrit në detyrë në Kosovë, Ramush Haradinaj se nuk kishte marrë asnjë ftesë për samitin në Durrës. “Kosova nuk është e ftuar me aq sa di unë, të paktën jo deri tani që unë flas. Edhe në rrethanat që janë deri tani unë nuk marr pjesë. Por edhe ftesë nuk kemi marrë”, tha Haradinaj.
