Ministrat e PD-së dhe LSI-së i kanë refuzuar Ramës shkarkimin e Ilir Markos. “Panorama” shkruan se Ilir Marko mbetet sërish në detyrë si zv.ministër i Brendshëm, edhe pse është shpallur “non grata” nga kreu i qeverisë.
Sjellim në vëmendje që Edi Rama ka firmosur dy ditë më parë një urdhër qarkullues për të gjithë ministrat, në të cilin kërkon shkarkimin të zv.ministrit të emëruar nga LSI-ja. Ky urdhër qarkullues është firmosur nga 9 ministrat e Partisë Socialiste dhe nga vetë Rama. Ndërsa pjesa tjetër e kabinetit qeveritar nuk e ka firmosur, të cilët janë ministrat teknikë të Partisë Demokratike dhe katër ministrat e mbetur të Lëvizjes Socialiste për Integrim.
SHKARKIMI
Ilir Marko u shkarkua të enjten nga kryeministri për shkak se u konfliktua me mesazhe me Saimir Tahirin. Fillimisht, LSI-ja ka denoncuar me emra konkretë rastet e blerjes së votave në qarkun e Tiranës, duke akuzuar se, pas këtyre veprimeve antiligjore, ishte ish-ministri i Brendshëm, Saimir Tahiri.
Megjithatë, Tahiri ka replikuar me Ilir Metën, duke thënë se tentoi ta përgjonte me anë të zëvendësministrit të Brendshëm, i cili, sipas tij, i ka vendosur një përgjues në zyrë. Por pas këtyre etiketimeve, Ilir Marko, i cili ka qenë zëvendësi i Saimir Tahirit, ka reaguar me anë të një mesazhi privat të dërguar në celularin e ish-ministrit të Brendshëm.
Marko ka zbuluar në SMS-në drejtuar ish-ministrit se ndërkombëtarët kanë kërkuar me këmbëngulje shkarkimin e Saimir Tahirit për abuzime. Pasi u bënë publike SMS-të, Edi Rama nxori vendimin për shkarkimin e zv. ministrit të LSI-së.
Kush ka firmosur
1.Edi Rama
2.Milva Ekonomi
3.Eglantina Gjermeni
4.Ditmir Bushati
5.Mimi Kodheli
6.Mirela Kumbaro
7.Milena Harito
8.Damian Gjiknuri
9.Ermonela Felaj
10.Eduard Shalsi
Nuk kanë firmosur
1.Ledina Mandija
2.Dritan Demiraj
3.Helga Vukaj
4.Mirela Karabina
5.Gazment Bardhi
6.Xhuljeta Kertusha
7.Arben Beqiri
8.Klajda Gjosha
9.Sokol Dervishaj
10.Lefter Koka
11.Edmond Panariti
Discussion about this post