Ministrat e qeverisë “Rama 2” nuk do dorëzojnë mandatet, s’ka shpresa për kandidatët socialistë poshtë ‘vijës së kuqe’

Pas shpalljes  së qeverisë “Rama 2” ditën   e djeshme mësohet se ndryshe nga 4 vjet më parë, në mandatin këtë herë Rama nuk do t’i kërkojë ministrave të rinj të mos mbajnë mandatin e deputetëve. Sipas ‘News 24’  një procedurë e tillë nuk është në parashikimet e kryeministrit Rama.

Kjo iu shuan shpresat e disa emrave të njohur socialistë, që mbetën poshtë ‘vijës së kuqe’ në zgjedhjet e 25 qershorit.

Duke iu hedhur një vështrim listave të kanidiatëve shikojmë që nuk do të mund të hyjë dot në parlament ish-ministrja Milena Harito, kreu i FRESH Eljo Hysko, apo edhe deputeti i dyzuar mes LSI e PS Spartak Braho, që dje ishte i pranishëm në asamblenë e PS-së.

Procedura e lëshimit të mandatit 4 vite më parë u përdor për të futur në listë emra socialistësh, që nuk kapën dot pragun e votave, kur në mes ishte edhe LSI. (J.V/Shuplaka)