Kryeministri Rama ka vendosur që të ndryshojë taktikë në katër vitet e ardhshme të qeverisë. Ministrat nuk janë të detyruar që të lënë mandatin e tyre të deputetit.
Kjo pasi sipas kreut të qeverisë, duhet që të ketë një lidhje më të fortë mes Grupit Parlamentar dhe ekzekutivit.
“Nuk do ta ndjekim këtë praktikë, jo pse nuk funksionoi në mandatin e parë, por sepse na duhet të kemi një kompaktësi të plotë dhe ministrat duhet të kenë një lidhje shumë më të fortë me grupin parlamentar se mandatin e parë”, thotë Rama për “Panoramën”.
I pyetur për mungesën e një komunikimi personal të tij me ministrat teknikë të Partisë Demokratike, kreu i qeverisë vlerëson punën e tyre, veçanërisht zv.Kryeministren Ledina Mandija për seriozitetin, për integritetin e saj në raport me detyrën që kreu.
Riemërimi i ministrave të tij në kabinetin e ri qeveritar, për Kryeministrin Rama ka kaluar përmes një analize dhe matjeje të punës së tyre, ndërsa shprehet se ata do të duhet t’i dalin për zot kësaj detyre, përndryshe ata nuk do të jenë më ministra, por vetëm deputetë.
(E.K/SHUPLAKA)
Discussion about this post