Prej disa ditësh në media të ndryshme po qarkullon lajmi se ndonjë nga ministrant teknikë të propozuar nga PD-ja mund të qëndrojë në qeverinë Rama 2. E në këtë rast emri që përflitet më së shumti është ai i ministrit të brendshëm Dritan Demirajt.
Po gjithnjë këto zëra mbeten spekulativë sa kohë që kryeministri Rama emrat e qeverisë së re i publikon në shtator, dhe ndërkohë që ministrant teknikë pritet të dorëhiqen.
Mirëpo për një nga aktivistët dhe koordinatorët në PD Julian Deda në rast se kjo rezulton e vërtetë kjo do të sillte asgjesimin e PD-së dhe në këtë mënyrë Rama i mbyllte gojën opozitës.
Deda vijon më tej duke thënë se një bashkëqeverisje mes PS dhe PD nuk është as në të mirë të vendit.
“Flitet se ndonjë ministër i propozuar nga PD mund të rrijë në qeverine Rama 2, gje qe çon automatikisht ne bashkeqeverisje.
Nje pyetje kam per demokrate, socialiste, LSI-iste dhe te pa parti. A i sherben vendit per mire apo per keq, qe PD dhe PS te qeverisin bashke ne Shtator e mbrapa, duke e ndare me dysh tepsine e pushtetit?
P.s. Per mendimin tim, ne rast se ky lajm ka gjasa te jete i vertete, atehere Rama ja mbyll gojen perfundimisht PD-se duke e çuar ate drejt asgjesimit politik dhe duke e lene vendin perfundimisht pa opozite”, shkruan Julian Deda.
(E.K/SHUPLAKA)
Discussion about this post