Ministrat teknikë të propozuar, gazetari: U zgjidh një nga krizat më të vështira, por përpara vijnë sfida jo të vogla

Pas publikimit të emrave të propozuar nga Partia Demokratike për ministra teknikë, gazetari i njohur Klodian Tomorri ka reaguar përmes një statusi në Facebook.

Ai shkruan se ndryshimet në qeveri zgjidhën një nga krizat më të vështira të vendit, megjithatë thotë se përpara vijnë disa sfida jo të vogla.

Tre shqetësimet e Tomorrit, kanë të bëjnë me disiplinën fiskale, sektori i energjisë elektrike dhe lufta ndaj drogës.

Kështu dy ministrat e propozuar, Dritan Demiraj për Punët e Brendshme dhe Helga Vukaj për Financat, sipas Tomorrit duhet të tregohen shumë të kujdesshëm.

REAGIMI I TOMORRIT
– Ndryshimet ne qeveri zgjidhen nje nga krizat me te veshtira te vendit. Por tani ato shtrojne perpara disa sfida jo te vogla.

Se pari ne rrafshin fiskal. 
Si rrallehere me pare ne nje vit elektoral, kete vit disiplina fiskale eshte ruajtur me fanatizem. Ne 4 muajt e pare te vitit te ardhurat jane 50 milione euro mbi planin, ndersa buxheti eshte me suficit mbi 70 milione euro. Vitet e tjera zgjedhore ne kete kohe buxheti ka qene me deficit 200 milione euro.

Ardhja e nje ministri teknik ne krye te financave nuk duhet te cenoje ne asnje menyre disiplinen fiskale. Borxhi duhet te ulet, sipas angazhimeve te qeverise ne 68.9 per qind ne fund te vitit. Ky eshte nje objektiv per te cilin s’duhet te kete kompromis. Nese performanca fiskale do te perkeqesohej qofte dhe sadopak ulja e borxhit do te vihej ne rrezik.

Ministrja e propozuar e financave ka nje profil jo shume te njohur publik. Gjithsesi ata qe e njohin e pershkruajne si nje person korrekt dhe te afte. Te shpresojme se do te kete sukses.

Se dyti, ruajtja e treguesve ne sektorin e energjise elektrike eshte po kaq e rendesishme. Nese performanca e OSHEE do te perkeqesohej, kjo do te kishte automatikisht implikime fiskale.

Se treti, qe eshte ndoshta dhe sfida me delikate eshte lufta kunder droges. Kandidati i propozuar si minister i brendshem, kolonel Demiraj ka te gjitha kredencialet e duhura per te qendruar ne lartesine e detyres. Shqiperia duhet te ndahet nje here e pergjithmone nga turpi i hashashit.

Suksese ministrave te rinj dhe qofte ky fillimi i nje ere me te mire per Shqiperine. Duke filluar qe neser ne Kuvend me votimin e reformave qe mund ti japin ekonomise impulse te reja dhe vendit nje shtyse te fuqishme drejt Bashkimit Europian. (D.D/Shuplaka)