Ministri Balla shpreh mirënjohje ndaj policisë dhe banorëve të Tiranës, në kuadër të Samitit për Europën-Juglindore

Ministri i Brendshëm, zoti Taulant Balla, nëpërmjet një postimi në “Facebook”, ka shprehur falenderimet e tij për Policinë e Shtetit dhe Gardën e Republikës për angazhimin e tyre dhe garantimin e mbarëvajtjes së Samitit që u zhvillua sot në Tiranë.

Gjithashtu, ai shprehu mirënjohje edhe ndaj banorëve të kryeqytetit për mirëkuptimin ndaj masave kufizuese.

Postimi i zotit Balla:

Tirana, kryeqyteti i Europës së Ballkanit, mikpriti dhe organizoi me sukses Samitin e Europës-Juglindore, ku mori pjesë Presidenti i Ukrainës Volodymyr Zelenskyy dhe udhëheqësit më të lartë të vendeve të rajonit. Përgëzime dhe mirënjohje të gjitha forcave të Policisë së Shtetit dhe Gardës së Republikës të angazhuara në këtë operacion të madh për garantimin e mbarëvajtjes së këtij Samiti të rëndësishëm Shumë mirënjohje edhe banorëve të kryeqytetit për mirëkuptimin ndaj masave kufizuese