Ministri i Britanisë së Madhe për Evropën, Leo Docherty në një postim në X është shprehur i lumtur që forcat ushtarake britanike po ndihmojnë KFOR-in në veri të Kosovës.
Më herët Ministria e Mbrojtjes e Britanisë së Madhe njoftoi se kishte transferuar një batalion në NATO nër mënyrë të mbështesë Kosovën në rast nevoje.
Ndërsa ministri Docherty u shpreh i lumtur për këtë fakt, ai shton se zgjidhja e vetme e konfliktit mes Kosovës dhe Serbisë është përmes dialogut dhe paqes. E nevojshme është në këtë moment qetësia dhe ulja e tensioneve.
Postimi i Docherty:
“Të kënaqur që forcat e Mbretërisë së Bashkuar po forcojnë KFOR-in në Kosovë, duke demonstruar përkushtimin tonë ndaj NATO-s dhe stabilitetit në Ballkanin Perëndimor.
Kërkojmë qetësi dhe de-përshkallëzim nga të gjitha anët. E vetmja rrugë e qëndrueshme drejt paqes në Kosovë është përmes dialogut”.
Pleased that UK forces are bolstering KFOR in Kosovo, demonstrating our commitment to NATO and stability in the Western Balkans.
We urge calm and de-escalation from all sides. The only sustainable path to peace in Kosovo is through dialogue.
— Leo Docherty MP (@LeoDochertyUK) September 30, 2023
