Ministri teknik në krye të Punëve të Brendshme, Dritan Demiraj, ka ndarë pak para mesnatës bilancin e punës së tij në krye të kësaj ministrie prej rreth një muaji tashmë.
Ai shkruan se prej 22 majit deri më 22 qershor, janë sekuestruar mbi 5 ton drogë, janë sekuestruar 8 gomone dhe ndër të tjera janë vënë në pranga 47 persona e janë shpallur në kërkim 23 të tjerë.
Përbri bilancit, ai shkruan se është i vendosur më shumë se kurrë për të pastruar rradhët e Policisë së Shtetit nga ata që shkelin ligjin. Duke mbështetur punën e palodhur të efektivëve të ndershëm, Demiraj deklaron se ministria e Brendshme dhe Policia e Shtetit janë të angazhuara të zbatojnë ligjin dhe misionin kushtetues.
“Vazhdon me sukses lufta pa kompromis kunder kanabisit dhe perdorimit te parave te droges ne fushaten elektorale.
Ministria e Puneve te Brendshme dhe Policia e Shtetit eshte e angazhuar te zbatoje ligjin dhe misionin e saj kushtetues.
Mbeshtes fuqishem punen e palodhur te efektiveve te ndershem te policise dhe i vendosur me shume se kurre per te pastruar rradhet e saj nga ata qe shkelin ligjin ne cdo nivel. DD.”, shkruan ministri.
(XH.A/SHUPLAKA)
Discussion about this post