Pas ngjarjes së rëndë të helmimit të mbi 140 qytetarëve dhe kryetarit Basha në mitingun e hapjes së fushatës së Partisë Demokratike ende po zhvillohen hetime.
Së fundi është duke u hetuar pista e prozhektorëve që kanë qenë në mitingun e hapjes së fushatës.
Në këtë video duket ministri i ri i Brendshëm Dritan Demiraj i cili urdhëron ekspertët e policisë gjyqësore të cilët zbritën në skenën e krimit për të sekuestruar prozhektorët e përdorur gjatë mitingut, duke patur dyshimin se helmimi kishte ardhur prej tyre.
Në videon e transkriptuar ministri kritikon oficerët e policisë gjyqësore të cilët kishin sekuestruar të 12 prozhektorët në cilësinë e provës duke u thënë se nuk mund t’I marrin të gjithë e kështu subjekti politik në fjalë (PD) të mos ishte në gjendje të nesërmen të mbante mitingun pasardhës.
Videoja e transkriptuar:
Ministri: Ktheji të gjitha mbrapa, merrni vetëm një, jo të 12, vazhdoni procedurën konform ligjit. Nuk mund t’i marrësh të gjitha se ka miting nesër subjekti politik, ne nuk jemi këtu për të penguar subjektin politik, merrni vetëm një, bej hetimin.Kush i ka ngarkuar këto? Ktheji mbrapsh.
Ku është ai zoti i kësaj? Ke aktivitet politik nesër?
Përgjegjësi i subjektit të prozhektorëve: Po, por nuk e dimë, do na e thonë se na u ndërpre procedura prej kësaj.
Ministri: Nuk ka sens, si i merren 12 drita një subjekti të firmës që ka aktivitetin politik? Me cfarë do e bëjë aktivitetin? Hetimi bëhet mbi 1 dhe dilet në konkluzion. Ajo nuk është armë që ka qëlluar dhe duhen 12. Kthejini mbrapa urgjent, vetëm një do merrni.
(M.D/Shuplaka)
Discussion about this post