Ministri Ditmir Bushati i jep lamtumirën aktorit Lazër Filipi

Ministri i Punëve të Jashtme Ditmir Bushati ka reaguar rreth vdekjes së aktorit dhe skenaristit të njohur shqiptar Lazër Filizi.

Ai ka publikuar në facebook një foto sipër së cilës shkruan:

”Lamtumirë Lazër Filipi! #RIP.”

Lazër Filipi, ka ndërruar jetë në moshën 95 vjeçare.

Filipi lindi në Shirq të Shkodrës më 7 shkurt të vitit 1921. Aktivitetin artistik e filloi që kur ishte partizan në 1943, me grupin teatral të Priskës. Në vitin 1945 vjen aktor në Teatrin Popullor. Gjatë viteve 1947-1950 kreu studimet në Çeki.

Gjatë karrierës së tijë interpretoi rreth 80 role në teatër e kinematografi si: Vasili, Truviçi, Dobçinski, xha Shazua, Gjica, Ksanti, Klarku etj.

Kryeroli i tij mbetet roli i Leninit në dramën “Orët e Kremlinit”. Interpretoi me sukses edhe në shumë filma artisticë në kinematografi. Doli në pension më 1977, por nuk u shkëput nga skena, duke interpretuar role edhe në vitet 2003, Ali pashe Tepelenën, dhe në 2005 Napoleon Bonopartitin nga drama e Aleksandër Moisiut. Ka fituar disa çmime dhe mban titullin “Artist i Merituar”.