Ministri i Punëve të Jashtme, Ditmir Bushati, ka mirëpritur sot në takim ministrin e Jashtëm të Gjermanisë, Sigmar Gabriel. Pas konferencës për shtyp, ata u janë përgjigjur pyetjeve të gazetarëve për situatën politike në vend.
I pyetur nga gazetarët lidhur me qëndrimin e opozitës, bojkotin e parlamentit, qëndrimin në çadër dhe aludimeve të Bashës për një komplot ndaj opozitës, Gabriel u shpreh se këto janë “histori komploti”.
“Më lejoni që me gjithë respektin, në momentin që vjen në rajon, kur nuk gjendet një rrugëzgjidhje shpiken këto teoritë e komplotit. Çdo qytetar në Shqipëri mund të pyesë se cfarë interesi mund të ketë një ndërkombëtar për të pemguar luftën ndaj korrupsionit. Nuk ka asnjë lloj interesi. Në fakt ka paragjykime kundrejt Shqipërisë, ajo që po bën opozita konfirmon paragjykimet. Kush bojkoton parlamentin, i bën dëm vendit, ndaj këshilla ime do ishte të lihet rruga e bojkotit. Askush në vendet e Europës nuk e kupton përse përpara zgjedhjeve kërkohet shpërbërja e qeverisë. Ndaj kush dëshiron që të shkojë i sigurt në rrugën e integrimit, duhet të punojë, kush nuk e bën këtë, e pengon. Se cilën parti shqiptarët zgjedhin është vendimmarrja e tyre.”
Ai u pyet lidhur edhe me faktin nëse duhet të futet ose jo qeveria në zgjedhje dhe cilat janë mesazhet e tij për kryeministrin Rama dhe kryedemokratin Basha.
“Rruga drejt BE-së do jetë më e gjatë. Unë konsideroj, pavarësisht interesave politike, duhet të shihet interesi i vendit. Kaosi nuk mund të jetë interesi i vendit. Unë mendoj që duhet t’u bëj apel atyre që e kanë çuar Shqipërinë në një udhëkryq. Kërkojnë të ndalojnë rrugën drejt Bashkimit Europian duke shpikur histori komplotesh.
Zbatimi i ligjit dhe Kushtetutës. Për Z. Basha, mosbesimi që ka për zgjedhje të lira e të ndershme, do duhej të bëheshin propozime konkrete. Gjermanët, BE mund të shoqëronimin në mënyrë më intensive këto zgjedhje.”
(XH.A/SHUPLAKA)
Discussion about this post