Ministri Gjiknuri ka takuar sot operatorët e karburantëve për aksionin që po bëhet në lidhje me heqjen e tabelave nga rruga të cilat janë në kundërshtim me ligjin apo që bëhen burime aksidenti.
Ministri i Infrastrukturës dhe Energjisë Damian Gjiknuri i shoqëruar nga drejtuesit e Autoritetit Rrugor Shqiptar dhe Inspektoratit Qendror Teknik e Industrial i bëri të ditur përfaqësuesve kryesor të tregtimit të karburantëve masat që do të ndërmerren nga qeveria nëse ato nuk i heqin tabelat në kohë.Ai thekson se kjo vjen në kuadër të rritjes së sigurisë rrugore në vend.
“Ministria me Autoritetin Rrugor do të ngrejnë një grup pune bashkë me përfaqësuesit e operatorëve për të përcaktuar një standard. Kjo duhet të jetë uniforme për të gjithë dhe patjetër nuk duhet të ndikojë në konkurencë të pandershme. Ju jeni operatorët kryesorë ndaj ju kërkova tu thërras për bashkëpunim dhe kërkoj nga ana juaj që të gjejmë një zgjidhje të shpejt për këtë problem. Tu lihen disa ditë afat pasi dhe ju kërkoni masat tuaja,në bashkëpunim me Autoritetin Rrugor. Përndryshe, jemi të detyruar që të ndërhyjmë ligjërisht. Preferoj më përpara dialogun dhe zgjidhjen me mirëkuptim, të punojmë sëbashku për ti dhënë një zgjidhje permanente sipas standardeve ligjore këtij problem” shton Gjiknuri
Pastrimi i nyjeve dhe hapësirave në akset kryesore kombëtare, do të jetë pjesë e aksioneve të 100 ditëve të para të qeverisë. Ministri për Infrastrukturën dhe Energjinë, Damian Gjiknuri para dy javësh paralajmëroi nisjen e një aksioni në të gjitha rrugët kryesore të vendit.
(B.N/Shuplaka)
