Ministri grek i mbrojtjes kërcënon Shqipërinë: Gati për çdo situatë

Tensionohen marrëdhëniet Shqiptaro-Greke! Kjo pasi Ministri grek i Mbrojtjes, Panos Kammenos, ka kërcënuar Shqipërinë.

Duke folur për një konflikt të lidhur me Shqipërinë dhe Turqinë, Kammenos ka deklaruar se Forcat e Armatosura Greke janë gati për çdo situatë. Me këtë ai nënkupton nisjen e mundshme të një lufte me këto dy shtete.

Ministri grek ka folur nga garnizoni ushtarak kufitar në Molivdoskepasti, në Epir, në kufi me Shqipërinë.

Ky reagim i ashpër i Kammenos vjen pas deklaratave të Kryeministrit Edi Rama, në lidhje me çështjen çame. Sipas tij, këto janë deklarata për konsum politik.

“Deklaratat e fundit nga Rama duhet të sjellin përsëri në kujtesën tonë se ata për të cilët ai flet ishin bashkëpunëtorë të nazistëve. Ne nuk do të pranojmë sfida të tilla. Ata ishin humbës në luftë. Ne nuk do të pranojë sfida të tilla, ne nuk do të pranojmë raporte të tilla, të cilat infektojnë dhe historinë dhe të drejtën ndërkombëtare”, deklaroi Panos Kammenos.

Ministri grek i mbrojtjes u tregua akoma më i ashpër me presidentin turk Erdogan, pas kërkesës së këtij të fundit për shfuqizimin e Traktatit të Lozanës.

“Dua t’i dërgoj nga këtu një mesazh të gjithë atyre që guxojnë të sfidojnë traktatet ndërkombëtare me deklarata provokuese. Turqia me deklaratat e saj të përsëritura po përpiqet të minojë klimën politike.

 Sipas shtypit grek këto deklarata janë bërë për të mbrojtur dhe rritur sigurinë e vendit.