19-marsit është date e rëndësishme për Rrëshenin dhe gjithë Mirditën. Imzot Paul Richard Gallagher, Sekretar i Shtetit të Vatikanit për marrëdhëniet me Shtetet dhe Organizmat Ndërkombëtarë dhe Ministri i Jashtëm i Vatikanit mbërriti sot në Rrëshen.
Ai u prit nga qindra qytetarë, ku iu dhurua edhe stema e qytetit nga kryebashkiaku Ndrec Dedaj.
Pas kësaj Imzot Paul Richard Gallagher mbajti meshën e shenjtë në katedralen e qytetit, ku përshendetja e mirëseardhjes u mbajtë nga Ipeshkvi i Rrëshenit Dom Gjergj Meta, i cili përcolli mesazhin e tij në këtë ditë historike për Mirditën.
Sekretari i Shtetit të Vatikanit, Paul Richard Gallagher do të qëndrojë për një vizitë 3-ditore në Shqipëri.
