Ministri i Jashtëm dhe i Çështjeve Evropiane të Sllovakisë, Miroslav Lajčák ka uruar Presidentin e Shqipërisë Ilir Meta, me rastin e marrjes së detyrës së re.
“Më lejoni t’ju shpreh urimet e mia të sinqerta për zgjedhjen dhe përurimin e mandatit tuaj si President i Republikës së Shqipërisë! Me këtë rast, dëshiroj t’ju uroj ju si dhe vendit tuaj sa më tepër forcë dhe entuziazëm në procesin e reformave përgjatë rrugës drejt Bashkimit Evropian.
Dëshiroj gjithashtu t’ju siguroj rreth mbështetjes së vazhdueshme të Republikës së Slovakisë në përmbushjen e ambicieve integruese të Shqipërisë! Jam i bindur se marrëdhëniet tona dypalëshe do të vazhdojnë të zhvillohen nën frymën e miqësisë, mirëkuptimit dhe në interes të qytetarëve të vendeve tona. Ju uroj shëndet të mbarë dhe suksese në përmbushjen e këtij funksioni kaq sfidues e me përgjegjësi!”, thuhet në mesazhin e Lajčák.
Kujtojmë se vetëm pak më herët, edhe presidenti Andrej Kiska sllovakisë, i dërgoi një mesazh urimi Presidentit të ri shqiptar. (D.D/Shuplaka)
