Ministri i LSI-së komenton marrëveshjen, ka një përgjigje dhe për hallin “banal” të Braçes

Nga Korça, ministri i Bujqësisë, Edmond Panariti, ka komentuar shkurtimisht takimin e orëve të vona mes kryeministrit Edi Rama dhe kryedemokratit Lulzim Basha.

Duke përshëndetur marrëveshjen, ai shprehet se kjo marrëveshje politike garanton një proces zgjedhor të pakontestueshëm nga ku askush nuk ka dalë i humbur:

“Sigurisht përshendes marrëveshjen poltike, e cila garanton një proces zgjedhor të pakontestueshëm dhe nga ku askush nuk ka dalë i humbur.”

Më tej, pas sulmit të Braçes për rritjen e çmimit të produkteve si qepa apo patatet, që ai ka shprehur këtë mëngjes duke e cilësuar si hall “banal”, ministri i Bujqësisë shprehet se lidhur me çmimet do të 5-fishohen fondet: 

Në lidhje me çmimet e produkteve bujqësore, me programin e LSI-së për 4 vitet e ardhshme, bujqësisë do t’i 5-fishohen fondet ndërsa do të ndërmerren masa drastike për të mbrojtur prodhimin vendas.”, u shpreh Panariti.

(XH.A/SHUPLAKA)