I ftuar në emisionin “Top Story”, ministri i drejtësisë Ylli Manjani ka folur për shumë tema, por nuk ka lënë pa përmendur as rregullat e sjelljes brenda qeverisë, të vendosura nga kryeministri Rama.
Sipas rregullores, ministrat e PS duhet të marrin leje nga Këshilltari i Kryeministrit për Mediat, Endri Fuga, për çdo deklaratë apo dalje të tyre publike.
Për Ministrin Manjani, kjo është diçka e pakonceptueshme, ndërsa shtoi se ai vetë nuk merr leje nga askush në deklaratat e tij.
“Ne e kemi diskutuar këtë dhe unë nuk mund të konceptoj që ministri duhet t’i marrë leje Endri Fugës për të dhënë një intervistë. Unë nuk i marr leje askujt, ashtu siç nuk marrin leje ministrat e tjerë apo kryeministri”, u shpreh Manjani.
Lidhur me deklaratat e Ramës për presidentin e ri të SHBA, Donald Trump, Manjani u shpreh: “Po të më kishte pyetur do t’i këshilloja që mos e bënte këtë deklaratë”. (A.R/SHUPLAKA)
Discussion about this post