Ministri i Shtetit për Çështjet Vendore, Eduard Shalsi ka komentuar qëndrimin e opozitës por edhe të nënkryetarit të grupit parlamentar të LSI-së Luan Rama, për deklaratat e ministrit të jashtëm gjerman, Sigmar Gabriel.
I ftuar në studion e lajmeve të “Ora News”, Shalsi e ka cilësuar si qesharak qëndrimin e PD-së dhe Luan Ramës.
E kupton sa qesharak është opinioni se ministri i jashtëm gjerman është i painformuar apo i keqinformuar dhe keq ardhja jonë në këto ngjarje ka të bëjë me faktin se populli shqiptar tashnmë e ka bërë zgjedhjen e vet dhe unë besoj se edhe PD e të njëjtit qëndrim me atë të disa liderve të saj, të quajtur Lulzim, të quajtur Sali apo disa emra të vecantë ka një mospërputhje mes asaj që duan shqiparët.”, është shprehur Shalsi.
I pyetur nga gazetarja për deklaratën e LSI-së, Shalsi është përgjigjur: do ta përkufizoja me po të njëjtin epitet që përkufizova qëndrimin e PD.
Ndër të tjera, Shalsi ka folur për koalicionin me LSI-në dhe se cfarë e pengon PS-LSI të arrijnë në një marrëveshje përfundimtare ose të shkëputen.
“Deri më sot ndryshojnë qasjet, mënyra si ata e shohin zgjidhjen e asaj që ata e quajnë “ngërçi politik”. Ne duhet të përqëndrojmë energjinë tone tek realizimi i aspiratave të shqiptarëve. Shqiptarët duan një Shqipëri të integruar në Europë shqiptarët duan reformën në drejtësi.” është përgjigjur ministri.
Vetëm një ditë më parë ministri i Jashtëm gjerman Sigmar Grabiel deklaroi: Askush nuk e kupton në Gjermani dhe në Europë pse pak para zgjedhjeve, kërkohet qeveri teknike, kjo është e pakuptueshme. Interesi kombëtar i një opozite nuk mund të jetë kaosi. (D.D/Shuplaka)
Discussion about this post