Ministri i Punëve të Jashtme të Italisë, Enzo Milanesi, ka zhvilluar një bisedë telefonike me kryeministrin e Shqipërisë, Edi Rama, dhe me kryetarin e Partisë Demokratike Shqiptare dhe udhëheqësin e opozitës, Lulzim Basha.
Në të dyja këto biseda Milanesi ka konfirmuar se është me rëndësi që në 30 Qershor të shmangen elementët e dhunës, dhe të zbatohen parimet e demokracisë.
“Ka një rëndësi të madhe për të siguruar respektimin absolut të rregullave themelore të demokracisë dhe shtetit të së drejtës. Pavarësisht diferencave që keni ju si kundërshtarë politik është e domosdoshme të shmanget çdo formë e dhunës dhe të manifestohet respektimi i opinioneve dhe pozicioneve në mënyrë demokratike”.
“Duhet të sigurohet korrektësia e procesit të zgjedhjeve në Shqipëri”, ka deklaruar Milanesi, duke këmbëngulur kështu se zgjidhja e krizës politike nuk mund të vi mes akteve të dhunës.
Ndërkohë kryetari i opozitës Lulzim Basha, pavarësisht se është shprehur se nuk do të ketë zgjedhje në 30 Qershor, ende nuk e ka zbuluar skenarin që do të ndiqet për t’i bllokuar ato.
Nga ana tjetër kreu i qeverisë është shprehur i vendosur për të ndëshkuar këdo që synon që të bllokohë të drejtën e çdo personi për të shprehur vullnetin e tij në kutinë e votimit.
(E.K/Faxweb.al)
Discussion about this post