Ministri i Mjedisit, Lefter Koka, njëherazi edhe kreu i Lëvizjes Socialiste për Durrësin, ka shprehur dhimbjen për ndarjen e beftë nga jeta të ish-drejtorit të Hekurudhave në Durrës, Genc Alizoti, i cili u përfshi në një skandal seksual pak kohë pasi dha dorëheqjen nga detyra.
Në shkrimin e tij, Koka i drejtohet me fjalët “I shtrenjti miku im”, duke e vlerësuar për kontributin që Alizoti dha për qytetin e tij Durrësin, për shpirtin dhe energjinë që e karakterizonte.
“I shtrenjti miku im e miku i durrsakëve Genc Alizoti!
Do të kujtohesh si një qytetar i denjë dhe njeri i shkëlqyer nga të gjithë ne. Në çdo ditë të jetës tënde i dhe energjinë, mendjen dhe shpirtin, qytetit tënd Durrësit.
E dhimbshme ikja jote e parakohshme, por Zoti të desh pranë tij!
Të qoftë dheu i lehtë!
Do na mungosh të gjithëve Genc!”, shkruan Lefter Koka.
(XH.A/SHUPLAKA)
Discussion about this post