Ministri i Diasporës, Pandeli Majko ka dhënë një intervistë për ‘’Fax News” nga Londra.
Majko u shpreh se nëse ne nuk përpiqemi rreth 200 mijë do të humbasin identitetin e tyre. Ministri tha se shqiptarët në Londër janë rregulluar mjaft mirë, ndërsa me përkrahjen e ministrisë marrëdhëniet me vendin e tyre do të forcohen.
‘’Nëse ne nuk përpiqemi rreth 200 mijë shqiptarë do të humbasin identitetet e tyre. Mësuesit shqiptarë janë heronj. Kombi nuk është më ajo që ndodh brenda kufijve shtetërorë, po duhet të interesohemi dhe për shqiptarët jashtë vendit.
Pavarësia e Shqipërisë dhe e Kosovës do të ishte e pamundur pa mbështetjen e shqiptarëve të diasporës. Unë e di shumë mirë që ne nuk mund të bëjmë rolin e trimit, dhe të vendosim për organizimin e komuniteteve shqiptare.
Ka probleme brenda komuniteteve, po e rëndësishme është që ne të organizohemi. Unë nuk jam këtu që t’iu them shqiptarëve që të kthehen në vendet e tyre, pasi kjo do të ishte qesharake, sa kohë që ka shqiptarë të tjerë që duan të largohen nga vendi. Shqipëria me mënyrën e vetë do të ketë përkrahje për këta persona”, u shpreh Majko.
(E.K/FAXWEB)
