Deklarata e Donald Lu-së që kishte shtatë muaj që iu kërkonte autoriteteve shqiptare arrestimin e Balilit, ka nxitur reagimin e Ministrit të drejtësisë, Manjanit.
Sipas tij jo vetëm ambasadori po dhe vetë Ministri ka që nga maji që nxit autoritetet të veprojnë për arrestimin e këtyre kriminelëve. Në një intervistë për ‘’Ora News’’ ai u shpreh se përgjegjësia për këtë rast duhet të jetë e atyre që kanë penguar procesin dhe se nuk mund të futen të gjithë me një thes.
‘’Dje jemi sqaruar dhe nuk besoj se ka ndonjë cështje që mund ta marrim personale. Unë kam thënë që në mars që duhen arrestuar, kam vetëm një shqetësim, një orë e parë këto çështje duhen adresuar në rrugë ligjore.
Unë jam Ministër i Drejtësisë dhe këtë rrugë dua ta ndjek në përputhje me rregullat institucionale. Unë i kam thënë që në atë kohë Donald Lu që Ministri i drejtësisë nuk ka pranga, këtë duhet ta bëjnë ata që e kanë në dorë arrestimin e tij’’, ka thënë ndër të tjera Manjani.
Discussion about this post