Ministri i Bujqësisë, Edmond Panariti akuzon Ministrinë e Financave, për bllokimin e fondit vaksinar kundër Dermatozës Nodulare. Panariti ndodhej sot në fshatin Bickë te Devolli, ku janë shfaqur të tjera vatra të Dermatozës Nodulare dhe pa nga afër situatën.
Panariti vizitoi dhe shtëpinë e një fermeri, kafsha e të cilit kishte ngordhur nga LSD, ndërkohë që tjetrën e ka të prekur.
” I kërkoj Ministrisë së Financave zhbllokimin e menjëhershëm të fondit, për vaksinatorët.
Ato pak fonde që i kanë dhënë bujqësisë, të paktën të na i lëvrojnë, pasi vaksinatorët duhen paguar.
Nuk mund të vazhdojmë me këtë situatë, të lejojmë përhapjen e dermatozës, vetëm për faktin e bllokimit të fondit nga Ministria e Financave.
Nuk e di arsyen e bllokimit, por është detyrë e Financave, ndërkohë që vaksina është siguruar për gjithë numrin e gjedhit në Shqipëri, me ndërhyrjen time.
Kemi përgatitur një VKM, për fondet për vaksinimin, por qeveria nuk mblidhet dhe s’kemi mundur t’i kalojmë deri tani.”, tha Panariti. (V.G/SHUPLAKA)
[ngg_images source=”galleries” container_ids=”2061″ display_type=”photocrati-nextgen_basic_thumbnails” override_thumbnail_settings=”0″ thumbnail_width=”240″ thumbnail_height=”160″ thumbnail_crop=”1″ images_per_page=”20″ number_of_columns=”0″ ajax_pagination=”1″ show_all_in_lightbox=”0″ use_imagebrowser_effect=”1″ show_slideshow_link=”1″ slideshow_link_text=”[Show slideshow]” order_by=”sortorder” order_direction=”ASC” returns=”included” maximum_entity_count=”500″]
