Ministri aktual i Bujqësisë, Niko Peleshi është ndalur në një takim të posaçëm sektorial, ku po trajtohet sektori u bujqësië dhe skema se si fermerët mund të përfitojnë financim.
Peleshi theksoi se ky sektor do të ketë mbështetjen më të madhe të njohur në këto 27 vite.
Më tej Ministri i Bujqësisë sqaroi lajmin e mirë se Shqipërisë iu ofrua nga Bashkimi Europian një financim prej 94 milionë euro në total mbështetje për sektorin e bujqësisë.
“Kjo është mundësi e madhe dhe sfidë për ne. Nuk është e thjeshtë të absorbojmë këtë masë. Ka burokracinë vetë të domosdoshme, ndonëse ne do të aplikojmë këtë vit një qasje invoative, ndoshta më inovative, që është aplikimi me zero dokumente. Çdo fermer do të ketë mundësi që të aplikojë pa paraqitur asnjë dokument, por vetëm duke plotësuar një formular me të dhëna. Do i drejtohen agro-pikave, që janë sportele unike ku AZHBR do të jetë më pranë fermerëve që këta të dinë si të përfitojnë dhe të marrin ndihmë nga fondi i garancisë. Aplikimi do të bëhet pranë këtyre sporteve. Pastaj vetëm fituesit do të duhen të vetëtojnë ato që kanë shkruar në formular,”- tha Peleshi.
(F.M/Faxweb)
Discussion about this post