Ministri i Brendshëm Sandër Lleshaj, ka reaguar pas vendimit të gjykatës, për dënimin me vetëm 25 vite burg të Dritan Dajtit, autorit të vrasjes së 4 efektivëve të policisë në Durrës.
Në një konferencë për mediet, Lleshaj e quajti kriminal vendimin e gjykatës, ndërsa paralajmëroi se do të ndiqen të gjitha rrugët ligjore që ky vendim të zhbëhet.
“48 orët e fundit kanë qenë orë të përjetimeve të rënda për familjarët e oficerëve të rënë në krye të detyrës. Kam pritur këto 48 orë sa të sigurohesha që ky krim i njerëzve të mos kishte si reagim vetëm një deklaratë por një proces të lartë ligjor. Edhe pse nuk mund të jap detaje deklaroj se operacioni Forca e Ligjit është vënë në përgjegjësi të plotë për të adresuar me gjithë forcën e së drejtës atentatin që i është bërë drejtësisë në vendin tonë, sakrificave të panumërta dhe gjakut të derdhur. Nuk mund dhe nuk do të ketë paqe në shpirtin e Policisë së Shtetit, por as tek unë deri sa ky vendim jo vetëm të zhbëhet nga gjykata e lartë por edhe autorët e këtij akti të pashembullt të përballen me ligjin dhe drejtësinë e vërtetë. Personat me profil të lartë kriminal janë prapa hekurave si rezultat i vullnetit të kësaj shumice qeverisëse. Ata që kërkuan kushtet dhe rritjen e kriminelvae dhe jo rrallë u bënë njish me sot lajnë duart, madje përpiqen të krijojnë edhe kapital politik. Por qytetarët shqiptarë i njohin mirë. Po aq të çmendura janë edhe vendimet e mostrave politike që përpiqen ta kthejnë kundër qeverisë vendimet e disa gjyqtarëve. I siguroj qytetarët dhe familjarët e dëshmorëve se përgjigjia e institucioneve do të jetë e fortë dhe ligjore”, tha ndër të tjera Lleshaj.
Vijon…
Discussion about this post