Ministri Tahiri fushatë në rrjetet sociale: Rripi i sigurimit të shpëton jetën (VIDEO)

Para hyrjes në fuqi të Kodit të ri Rrugor dhe ashpërsimit të gjobave ndaj shkelësve të rregullave të qarkullimit rrugor, Policia e Shtetit dhe Ministria e Brendshme ndërmorën një fushatë të gjerë sensibilizuese. Por mesa duket, nuk mjafton. Drejtuesit e automjeteve janë ende problematik sa i përket vendosjes së rripit.

Këtë radhë, një mesazh sensibilues vjen nga dy policë të rinj, Sherife Hysaj dhe Orjon Mulaj. Ata i bëjnë një thirrje qytetarëve për të zbatuar ligjin. Kjo, për të ndihmuar veten dhe familjen e tyre. 

“Kujtesë e rëndësishme. Kjo video 1 minutë mund të të shpëtojë jetën. Lidh rripin. Shih e shpërnda me #unelidhem”, shkruan ministri Saimir Tahiri në Facebook teksa ka shpërndarë edhe videon sensibilizuse.

Vetëm gjatë vitit 2016, 29 jetë u shpëtuan për shkak të vendosjes së rripit të sigurimit. Një fakt ky i prononcuar pak ditë më parë nga ministri i Punëve të Brendshme . (A.R/SHUPLAKA)