Ministri i Brendshëm i Kosovës, Xhelal Sveçla përmes një postimi në “Facebook” bëri të ditur se mes të vrarëve në Banjskë është edhe Bojan Mijaloviq. Ky ka qenë truproja i Aleksandër Vulin, shefi i BIA-s serbe. Gjatë vizitës së këtij të fundit në Kosovë në vitin 2013, Mijaloviq ka qenë ai që e shoqëronte.
Kjo e bën edhe më të qartë për Sveçlën implikimin e Beogradit në sulmet në Banjskë, ku përveç nënkryetarit të Listës Serbe, Milan Radojciq është edhe emri i truprojës së shefit të BIA-s.
Të dy këta persona janë të sanksionuar nga SHBA si “Persona Non-Grata”.
Postimi:
Dje përmes video-pamjeve dëshmuam prezencën e kryekriminelit dhe udhëheqësin e aksionit terrorist Milan Radojiçiq. Ndërkaq, sot është konfirmuar që njëri nga të vrarët që ishte po ashtu pjesëmarrës i atij akti është edhe Bojan Mijailoviq, trupëroja e shefit të BIA-s serbe, Aleksandar Vulin, në vizitën e tij në Republikën e Kosovës në vitin 2013.
Shteti i Serbisë është këmbë e krye i përfshirë në këtë sulm terrorist me qëllim destablizimin e Republikës së Kosovës. Për këtë gjë tashmë ekziston edhe lidhja formale e strukturore e përfshirjes së Aleksandar Vuçiq në sulmin e 24 shtatorit në Banjskë të Zveçanit: Milan Radojçiq, si nënkryetar i Listës serbe dhe trupëroja e Aleksandër Vulinit, shef i BIA-s. Të dy këta po ashtu të sanksionuar në listën e zezë të ShBA-ve. Të dy këta nga njerëzit më të afërt të presidentit të Serbisë.
Këto fakte janë dëshmi tjetër se synimet e Serbisë ndaj Republikës së Kosovës nuk kanë ndryshuar aspak nga koha e regjimit të Millosheviqit, ish-ministri i Propagandës së atij regjimi, tash president i regjimit aktual në Serbi. Edhe optimistët më të mëdhenj që deri tash e kanë gënjyer veten për ndryshimet në këtë shtet besoj janë bindur për të kundërtën këto ditë.
Dua të shpreh edhe njëherë mirënjohje për qendresën e Policisë së Kosovës atë ditë dhe për profesionalizmin e pashoq, aksion në të cilin nuk është lënduar lënduar asnjë civil.
