Ministria e Bujqësisë ka zhvilluar mëngjesin e sotëm një aksion për parandalimin e tregtimit të kafshëve të pamatrikulluara, për kontrollin e kushteve në tregje dhe makinat e transportit të kafshëve.
Sipas asaj që njofton Ministria asnjë kafshë nuk do të lëvizë nëse nuk ka marrë vaksinimin e nevojshëm dhe është pa matrikullim. Aksioni i nisur mëngjesin e sotëm në Tapizë të Fushë Krujës, ku ka qenë i pranishëm dhe zv.Ministri Roni Telegrafi do të shtrihet në të gjithë territorin.
Ata i bëjnë thirrje gjithashtu fermerëve se për informacione më rë hollësishme tiu drjtohen instancave lokale.
“Iu bëj thirrje fermerëve, që të matrikullojnë çdo kafshë. Nëse gjenden të papërgatitur, pasi kjo gjë nuk u është kërkuar më parë, të drejtohen pranë Drejtorive të Bujqësisë në rrethet e tyre dhe të kërkojnë matrikullimin, gjë që po ecen edhe aktualisht me ritme të shpejta. Ndërkohë, transportuesit e kafshëve të mos lëvizin, nëse automjetet e tyre nuk janë të autorizuara e certifikuara nga specialistët për një shërbim të tillë. Ndërsa pronarët e tregjeve, privatë apo pushtet vendor, të marrim masa për përmirësimin e kushteve në to”, theksoi Edi Fero, Drejtori i Drejtorisë së Shërbimit Veterinar në vendin tonë.(E.K/SHUPLAKA)
[ngg_images source=”galleries” container_ids=”232″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
